Bangkokte úkimetke qarsy jappaı qarsylyq aktsııasyna shyqqan halyqqa oq jaýdyryldy
ASTANA. 11 qańtar. QazAqparat - Taıland astanasy Bangkok ortalyǵynda oppozıtsıonerlerge oq jaýdyrý kezinde kem degende 6 adam jaraqat aldy, dep habarlaıdy jergilikti BAQ.
Taıland basylymdarynyń habarlaýynsha, 11 qańtar kúni túnde Demokratııa monýmentinde jınalǵan manıfesttanttarǵa birneshe ret belgisiz bireýler kelip, shabýyl jasaǵan. Alǵashqy shabýyl kezinde jasóspirim jigit oq jaraqatymen aýrýhanaǵa túsken. Sonymen qatar manıfestanttarǵa qaraı qoldan jasalǵan jarylǵysh zat laqtyrylǵan. Ol kezde eshkim qaza tappaǵan, alaıda taǵy bir adam jaraqattandy, dep jazady Nation basylymynyń ınternet nusqasy. Ekinshi shabýyl Bangkoktegi oppozıtsıonerlerdiń basty jıyn orny bolyp tabylatyn Demokratııa monýmenti mańynda 1,5 saǵattan keıin qaıtalandy. 20 mototsıkl jáne 3 kólikke mingen bir top adam jınalǵan halyqqa oq jaýdyrǵan. Saldarynan tórt adam túrli deńgeıdegi jaraqattar alyp, aýrýhanaǵa tústi. Degenmen taılandtyq aqparat agenttiktiń biri zardap shekkenderdiń jalpy sany jetige jetti dep habarlady.
