Bangkokte qazaqstandyqtar úshin jedel baılanys jelisi ashyldy

dep habarlaıdy QR Indýstrııa jáne jańa tehnologııalar mınıstrligi Týrızm ındýstrııasy komıtetiniń baspasóz qyzmetinen.

«QR IJTM Týrızm ındýstrııasy komıteti qazaqstandyq týroperatorlar men týragentterge Taıland astanasy Bangkokke týrıstik ónimderin usyný kezinde nemese sol elge ketken otandyq azamattarǵa qaladaǵy jaǵdaı týraly aqparatty mindetti túrde habarlap otyrýdy usynyp otyr», - delinedi komıtettiń baspasóz qyzmeti taratqan habarlamada.

QR SІM-niń aqparaty boıynsha, qazaqstandyq týrıster Bangkokte narazylyq aktsııalary kezinde kezdeısoq oqıǵaǵa tap bolǵan kezde Taılandtaǵy Qazaqstan elshiligine, jedel baılanys jelisiniń +66-85-222-3756, +66-2254-3043 telefon nómirlerine qońyraý shalýlary tıis.

Eske sala keteıik, Bangkokte úkimetke qarsy narazylyq aktsııalary 2013 jyldyń qarasha aıynda bastalǵan. Oppozıtsııa Úkimet basshysy Iınglak Chınavattyń taqtan ketýin talap etip otyr. 2014 jyldyń 13 qańtarynda aktsııaǵa qatysýshylar Bangkoktiń negizgi kóshelerinde kólik qozǵalysyn jaýyp tastady.