Bangkoktaǵy lańkestik qurbandarynyń sany 20 adamǵa jetti
ASTANA. QazAqparat - Dúısenbi kúni keshke Bangkokta bolǵan jarylysta qaza tapqandardyń sany 20 adamǵa jetti. Bul týraly «Eravan» jedel medıtsına ortalyǵynan habarlady.
Taıland astanasynda lańkestik oqıǵadan keıin kólik pen áýejaılardaǵy qaýipsizdik sharalary kúsheıtildi - ushatyn jolaýshylarǵa reıs attanǵannan 5-6 saǵat buryn shyǵýǵa keńes berildi. Oqıǵa orny áli de qorshaýda tur. Bılik sheshimimen Bangkokta barlyq mektepter jabyldy, alaıda bankter men memlekettik mekemeler jumysyn toqtatpady.
Jarylys dúısenbi kúni jergilikti ýaqytpen shamamen saǵat 19:00 halyq kóp shoǵyrlanǵan Ratchaprasong torabynda boldy.
Quqyq qorǵaý organdarynyń aqparatynsha, jarylys kezinde 120 adam jaraqat aldy. Ajal qushqan 20 adamnyń ishinde Qytaı jáne Fılıppınnen kelgen týrıster bar.
