Bangkoktaǵy jer silkinisinen qaza tapqandardyń sany artyp barady
ASTANA. KAZINFORM — Bangkoktaǵy jer silkinisinen qaza tapqandardyń sany 17 adamǵa jetti, 32 adam jaralandy, 83 adam iz-túzsiz joǵaldy. Bul týraly qala ákimdigine silteme jasap TASS jazdy.
Eske sala keteıik, 28 naýryz kúni Mıanmada 7,9 baldyq jer silkinisi tirkelip, Qytaıdyń ıÝnnan provıntsııasyndaǵy Baoshan, Sıshýanbanna-Daı avtonomııalyq oblysy, Pýer jáne Kýnmın qalalarynyń turǵyndary da kúshti jer silkinisin anyq sezingen edi.
Sondaı-aq, silkinis dúmpýi Taıland astanasy Bangkok pen Laos astanasy Ventıanda da anyq baıqalǵany habarlandy.
Kúshti jer silkinisi dúmpýinen, Bangkokta kópqabatty úı qıraǵan bolatyn.
Bangkok turǵyndary qatty jer silkinisine baılanysty evakýatsııalandy.
Taıland premer-mınıstri Bangkokty «tótenshe jaǵdaı aımaǵy» dep jarııalady.
Qazaqstannyń Taılandtaǵy elshiliginiń aqparaty boıynsha jer silkinisine baılanysty osy eldegi otandastarymyzdan qandaı da bir ótinishter kelip túspegeni habarlandy.
Al, sońǵy málimetke saı Mıanmadaǵy jer silkinisinen qaza tapqandar sany 1600-den asqany belgili bolyp otyr.