Bangkokta saýda dıalogyn keńeıtý máseleleri talqylandy
NUR-SUTAN. QazAqparat - 2019 jylǵy 31 shildede Qazaqstan Elshisi Raýshan Esbolatova Qazaqstan men Taıland arasyndaǵy saýda dıalogyn damytý men ózara tıimdi yntymaqtastyqty úılestirý maqsatynda taılandtyq iskerlik toptarymen kezdesý ótkizdi, dep habarlaıdy QR Syrtqy ister mınıstrliginiń baspasóz qyzmeti.
Taılandtyń kásipkerlerimen pikir almasý formatynda ótken áńgime barysynda Elshi Qazaqstannyń Bangkoktaǵy Elshiligi taılandtyq jáne sheteldik kásipkerler úshin ózara árekettesý tizbegin – Elshilikten bastap jergilikti atqarýshy organdarǵa deıin «SІM – sheteldik mekemeler – óńirler» formatynda baǵyttaýshy ról atqaratynyn eske saldy.
Qatysýshylar aýyl sharýashylyǵy, azyq-túlik, jeńil ónerkásip jáne t.b. arnaıy ekonomıkalyq jáne ındýstrıaldy aımaqtar sheńberindegi ınvestıtsııalyq múmkindiktermen tanystyryldy.
Qazaqstan qazirgi tańda jańa ınvestıtsııalyq damý kezeńinde jáne kóptegen bıznes múmkindikteri bar memleket bolyp tabylatyndyǵy jáne ınvestıtsııalyq jobalardyń sheteldik qatysýshylary úshin erekshe jaǵdaılar jasalatyndyǵy týraly aıtyldy.
Kezdesý sońynda taraptar Qazaqstan aımaqtaryna birlesken issaparlardy uıymdastyrýdy jalǵastyrýǵa kelisti. Bıylǵy jyldyń maýsym aıynda taılandtyq kompanııalardyń ókilderi Almatyǵa sapar shegip, áleýetti seriktestermen jáne «Kazakh Invest» UQ» AQ ókilderimen kezdesýler ótkizgeni málim.
