Bangkokta mektep avtobýsy órtendi: qaza tapqandar bar

ASTANA. KAZINFORM – Bangkok (Taıland) mańynda 40-tan astam oqýshylar men muǵalimder mingen avtobýs órtendi.

Xinhua agenttiginiń habarlaýynsha, qutqarýshylarǵa avtobýstyń jalynǵa oranǵany týraly habarlama jergilikti ýaqyt boıynsha shamamen saǵat 00:28-de túsken.

Bastapqy málimetke sáıkes, avtobýsta 42-ge jýyq jolaýshy bolǵan, olardyń arasynda mektepke deıingi mekemeniń oqýshylary men muǵalimder bar.

Kóptegen jolaýshylar zardap shekti, 19 adam qutqaryldy, qaza tapqandar da bar.

Buǵan deıin Kenııada mektepte bolǵan órt saldarynan 17 balanyń qaza tapqany týraly habarlanǵan bolatyn.

Sondaı-aq, Leıptsıg (Saksonııa federaldyq jeri, Germanııanyń shyǵysy) mańynda ótken Highfield mýzykalyq festıvali kezinde sholý dóńgelegi órtenip, 30 adam zardap shekti.

Eske sala keteıik, Nepalda sý tasqynynan qaza tapqandar sany 193-ke jetti.