Bangkokta 14 jastaǵy bala 3 adamdy atyp óltirdi
Taıland astanasy Bangkoktaǵy Sıam Paragon saýda ortalyǵynda atys bolyp, úsh adam qaza tapty. Taǵy tórt adam zardap shekti, onyń ishinde sheteldik azamat ta bar, dep habarlaıdy QazAqparat BBC jańalyqtaryna silteme jasap.
Shabýyl jasady degen kúdikpen 14 jastaǵy jasóspirim ustalyp, polıtsııaǵa tapsyryldy. Ol tapanshamen oq jaýdyrǵan degen boljam bar.
Shabýyldyń sebebi ázirge anyqtalǵan joq.
Taıland premer-mınıstri jaǵdaıdyń baqylaýda ekenin aıtty.
Buǵan deıin áleýmettik jelide saýda ortalyǵynan adamdar qashyp shyqqan vıdeolar tarady.
Saýda ortalyǵy tez evakýatsııalanyp, jabyldy.
Taılandta jappaı oq atý sırek kezdesedi, biraq aımaqtaǵy basqa eldermen salystyrǵanda bul elde atys qarýyn ustap júretinder kóp.
Ótken jyldyń qazan aıynda burynǵy polıtseı Taılandtyń soltústik-shyǵysyndaǵy Nong Býa Lamphý provıntsııasyndaǵy balalar ortalyǵynda tapansha jáne pyshaqpen kem degende 37 adamdy óltirgen bolatyn, olardyń kópshiligi balalar.
2020 jyly Nakhontrachasıma qalasynda bir sarbaz 29 adamdy óltirip, ondaǵan adamdy jaralady.
