Bangkok turǵyndary qatty jer silkinisine baılanysty evakýatsııalandy

ASTANA. KAZINFORM – Mıanma men Taılandta kúshti jer silkinisi bolyp, Bangkokta kópqabatty úı qırady, dep habarlaıdy Euronews.com. 

Бангкок тұрғындары қатты жер сілкінісіне байланысты эвакуацияланды
Фото: Chutima Lalit/Copyright

Taıland astanasynda 7,7 baldyq kúshti jer silkinisinen keıin ǵımarattar silkinip, adamdardy evakýatsııalaý jarııalandy.

AQSh-tyń geologııalyq qyzmeti men nemis geoǵylymı ortalyǵy GFZ habarlaýynsha, jer silkinisiniń oshaǵy Mıanmada, Taılandtyń Ratchabýrı provıntsııasyna jaqyn jerde, 10 shaqyrym tereńdikte bolǵan. 

Bangkok aýdanynda 17 mln-nan astam adam bar olardyń kópshiligi kópqabatty úılerde turady. Salynyp jatqan kópqabatty ǵımarattardyń biri opyrylyp qulaǵan. 

Dabyl saǵat 13:30-da qaǵyldy. Záresi ushqan turǵyndar megapolıstiń halyq tyǵyz ornalasqan ortalyǵyndaǵy kópqabatty kondomınıýmdar men qonaqúılerdiń baspaldaqtarymen evakýatsııalandy. 

Jer silkinisinen keıin birneshe mınýt boıy adamdar kún sáýlesinen kóleńke izdep kóshelerde qaldy. 

Zardap shekkender týraly málimet túsken joq. 

Jer silkinisi saldarynan kópqabatty úılerdiń tóbesinde ornalasqan basseınderden sý kóshelerge atqylaǵan.

Eske sala ketsek, Mıanmada 7,9 baldyq jer silkinisi tirkeldi. 

Buǵan deıin Almatydan 323 shaqyrym jerde jer silkinisi tirkelgenin jazǵan bolatynbyz. 

Eseptelgen qarqyndylyq (balmen) boldy:

Merki aýyly — 5.0 ball

Qulan aýyly — 4.0 ball

Shý qalasy — 2.0 ball

Tóle bı aýyly — 2.0 ball

Sarykemer aýyly — 2.0 ball

Taraz qalasy — 2.0 ball

Qordaı aýyly — 2.0 ball

Asa aýyly — 2.0 ball

Moıynqum aýyly — 2.0 ball

Turar Rysqulov aýdany Qaraqystaq aýylyndaǵy mádenıet úıi, Merki aýdandyq aýrýhanasy, Oıtal aýylyndaǵy mektep ǵımaratynyń qabyrǵasynda jaryqshaq paıda bolǵany anyqtaldy.

Сейчас читают