Bangkok polıtsııasy Maqsat Úsenovti bosatty
ASTANA. QazAqparat - Bangkok polıtsııasy Maqsat Úsenovti bosatty. Bul jaıynda QR SІM baspasóz qyzmetiniń jetekshisi Ánýar Jaınaqov óziniń Feısbýktegi paraqshasynda jazdy, dep habarlaıdy QazAqparat.
«Buǵan deıin belgili bolǵandaı, búgin tańerteń jergilikti ýaqyt boıynsha saǵat 08-55-te Bangkokqa KS-931 reısimen ushyp kelgen azamat Maqsat Úsenov ekıpajdyń talabyna baǵynbaǵany úshin qala áýejaıynda taı polıtsııasyna berilgen bolatyn. Qazaqstandyq dıplomattarǵa Taıland astanasy quqyq qorǵaý organdarynyń ókilderi azamat Úsenovke qatysty tekserý júrgizilgendigin habarlady. Onyń Bangkokqa Vetnamǵa bara jatqan jolda tranzıtpen kelgeni anyqtaldy», - dep jazdy Jaınaqov.
Onyń aıtýynsha, osy jaıtty eskertken polıtsııa qyzmetkerleri vetnamdyq avıakompanııalarǵa júginip, bizdiń otandamyzdyń tarabynan oryn alǵan keleńsizderdi aıtyp bergen.
«Azamat Úsenovtiń tarabynan tártipti jáne ekıpaj talaptaryn saqtaýǵa ýáde berilgennen keıin vetnamdyq áýe kompanııasy ony bortqa alýǵa kelisti. Osy jaǵdaıdy eskere otyryp Bangkok áýejaıynyń polıtsııasy buzaqyny tártiptik jazaǵa tartý úshin tutqynǵa alǵan joq. Osydan keıin azamat Úsenov jergilikti ýaqyt boıynsha saǵat 11-20-da Bankgokten Hoshımınge ushyp ketti», - dedi QR SІM baspasóz qyzmetiniń jetekshisi.
