Bangkok áýejaıy qalypty jumys rejımine kóshti
ASTANA. KAZINFORM - Bangkoktaǵy Sývarnabhýmı áýejaıy Mıanmanyń ortalyǵynda bolǵan 7,7 baldyq kúshti jer silkinisi jáne kórshiles Taılandtaǵy jerasty dúmpýlerinen keıin qalypty jumys istep turǵanyn málimdedi, dep habarlaıdy CNN.
Áýejaı Mıanmadaǵy Sagaın qalasynan soltústik-batysqa qaraı 16 shaqyrym jerde bolǵan jer silkinisinen keıin shamamen eki saǵattan soń jumysyn qaıta bastaǵanyn jarııalady.
Juma kúni Bangkoktan ushýdy josparlaǵan bir jolaýshy CNN-ge jer silkinisinen keıingi dúrbeleń saldarynan reısin keıinge qaldyrǵanyn aıtty.
Taıland astanasynyń ekinshi áýejaıy Donmyang ta ushaqtardy jóneltip, qabyldaıdy.
«Djakarta men Seýlden reıster jańa ǵana keldi, biz Kýala-Lýmpýrdan reıs kútemiz», - dep habarlady TASS agenttigine áýejaıdyń aqparat qyzmeti.
Buǵan deıin Taıland astanasynda kópqabatty úı qulaǵan bolatyn.
Bangkok turǵyndary qatty jer silkinisine baılanysty evakýatsııalandy.