Banan qabyǵy paıdaly bolyp shyqty
ASTANA. QazAqparat - Banan qabyqshasynyń quramynda kóptegen paıdaly zattar bar, dep habarlaıdy The Daily Mail.
Birinshiden, banan qabyqshasynda ishek jumysyn retteıtin ózek bar. Sonymen qatar, onyń quramynda magnıı, kalıı, A, S, V6, V12 dárýmenderi, aqýyz bar. A dárýmeni tister men jumsaq tinder úshin paıdaly, V6 dárýmeni ımmýnıtetti saqtap, mı men júrektiń qalypty jaǵdaıyna jaýap beredi. Sondaı-aq ol qandaǵy qant quramyn rettep, kóńil kúıdi jaqsartady. Al V12 dárýmeni bas mıy men júıke júıesi úshin mańyzdy.
2011 jyly ǵalymdar banan qabyqshasynda polıfenoldar men karotınoıdtar bar ekeni týraly aıtqan bolatyn. Osynyń barlyǵy jalpy alǵanda metabolızmdi jedeldetýge kómektesedi. Oǵan qosa, qabyqshada kalorııalar joqtyń qasy. Al ózek toqtyq sezimin uzartady, oǵan qosa, onyń holesterındi tómendetetini týraly málimetter bar. Taıaýda ǵalymdar banan qabyqshasynan kóńil kúıdi jaqsartatyn gormon - serotonındi anyqtaǵan. Sondaı-aq qabyqshada shel aýrýy men makýlıarlyq degeneratsııanyń damýyna jol bermeıtin lıýteın kóp.
Alaıda, dıetologtardyń atap ótýinshe, banandarǵa pestıtsıdter kóp sebiledi. Sondyqtan organıkalyq banandar satyp alý kerek nemese olardy jaqsylap jýǵan jón. Qabyqshanyń ózin pisirilgen, keptirilgen kúıinde nemese smýzıge qosyp jeýge bolady.
