Balyqtyń shabýylynan 62 jastaǵy súńgýir mert boldy
ASTANA. QazAqparat - Sıngapýrdaǵy okeanarıým ıesi Haw Par Corporation resmı málimdemesinde súńgýirdiń ólimin kenetten bolǵan qaıǵyly jaǵdaı dep atady. Bul týraly BBC habarlady.
«Fılıpp Chen sý janýarlary turaqty mekendeıtin ornyna kóshirilgenshe olardy kútýmen aınalysatyn on qyzmetkerdiń biri bolatyn», - dedi korporatsııanyń baspasóz hatshysy.
Onyń aıtýynsha, Chen ardager-súńgýir bolǵan jáne ol oekanarıým ashylǵan 1991 jyldan beri sý janýarlarynyń kútimimen aınalysyp kelgen.
Polıtsııa skat shabýylynan keıin Chenniń aýrýhanaǵa jetkizilgenin, aýrýhanada jaraqattan kóz jumǵanyn habarlady. Polıtsııa ókiliniń aıtýynsha, bul Sıngapýrdaǵy alǵashqy oqıǵa.
