Balyqtyń qyrylýy: Senator kúdikti-sýbektilerdiń tekserisine qatysty pikir bildirdi
ATYRAÝ. QazAqparat - Atyraý oblysyna kelgen Senat depýtaty Sársenbaı Eńsegenov balyqtardyń qyrylýyna kúdikti sýbektige tekseris ýaqyt kúttirmeı júrgizilýi tıistigin aıtty, dep habarlaıdy QazAqparat tilshisi.
«2018 jyldyń jeltoqsanynda Jaıyq ózenindegi balyqtardyń qyrylý deregi boıynsha eki qylmystyq is qozǵaldy. Alaıda, tergeý barysynda balyqtyń dál neden qyrylǵany da, sýdyń qalaı ýlanǵany da anyqtalǵan joq. Menińshe, oǵan tekseristiń tym kesh bastalǵany sebep boldy. Búginde, baqylaý organdary tekseristi bastaý úshin prokýratýradan ruqsat alýy tıis. Oǵan belgili bir ýaqyt ketedi. Qazirgi zańnamaǵa ózgeris engizý qajet. Ekologııamen, adam densaýlyǵymen baılanysty tótenshe jaǵdaılar kezinde qadaǵalaý organdarynda tekseristi apat bolǵan kúni bastaýǵa múmkindik beretin quqyǵy bolýy tıis. Prokýratýra organdarynyń ruqsatynsyz-aq», - deıdi QR Parlamenti Senatynyń depýtaty.
Eske sala keteıik, byltyr jeltoqsanda Jaıyq ózeninde balyqtar jappaı qyrylǵan bolatyn. Jalpy 120 tonna balyq sonyń ishinde, 36 myń orys jáne Sibir bekiresi qyrylǵan.
Avtor: A. Sokolov
