Balyqty zańsyz aýlaǵandarǵa 3 aptada 7,4 mln teńge aıyppul salyndy
«Jaıyq-Kaspıı» oblysaralyq basseındik balyq sharýashylyǵy ınspektsııasy baspasóz qyzmetiniń málimetinshe, 1 sáýirden beri «Bekire-2022» keń aýqymdy balyq qorǵaý aktsııasy ótip jatyr.
«Aktsııa bastalǵannan bergi úsh aptada tabıǵat qorǵaý zańnamasyn buzýdyń 514 deregi anyqtaldy. Ákimshilik jaýapkershilikke 349 adam tartylyp, 29 qylmystyq is qozǵaldy. Balyq qorǵaý zańnamasyn buzýshylarǵa 7,4 mln teńge ákimshilik aıyppul salyndy. Máselen, ınspektsııa qyzmetkerleri Batys Qazaqstan oblysyndaǵy Aqjaıyq aýdanynyń Shabdarjap ýchaskesinde Jaıyq ózeninen brakonerliktiń úsh deregin tirkedi. Balyq qorǵaý, polıtsııa jáne shekara qyzmetiniń qyzmetkerleri zańsyz aınalymnan 15,2 tonna balyq, onyń ishinde 845 keli bekire tuqymdas balyq túrlerin, 275 aýlaý, 60 júzý jáne kólik quralyn tárkiledi. Jaıyq-Kaspıı basseıniniń sý aıdynynan 1 015 zańsyz aýlaý quraly alyndy. Onyń ishinde, Qytaıda monofılamentten jasalǵan sıntetıkalyq torly aý men ilmek bar», - dep habarlady ınspektsııasynyń baspasóz qyzmeti.
Eske sala ketelik, budan buryn Atyraýda úsh kólikten 100 keliden astam bekire tuqymdas balyq tabylǵanyn jazǵan edik.