Balyqty zańsyz aýlaǵandar 15 táýlikke qamalýy múmkin

ASTANA. QazAqparat – Búgin Parlament Májilisindegi Úkimet saǵatynda QR Ekologııa, geologııa jáne tabıǵı resýrstar mınıstri Serikqalı Brekeshev balyq sharýashylyǵyndaǵy problemalardy atady, dep habarlaıdy QazAqparat tilshisi.

Onyń aıtýynsha, zańsyz balyq aýlaý faktileri jıi kezdesip jatady. Bul máseleni sheshý úshin tıisti qadamdar jasalýy kerek. Osy oraıda brakonerlermen kúresý úshin qarajat jetkiliksiz bólin jatyr.

«Brakonerlikti tómendetý maqsatynda Ákimshilik quqyq buzýshylyq týraly kodekstiń ázirlenip jatqan jobasy aıasynda jaýapkershilikti kúsheıtýdi usynamyz (QR Parlamentiniń Májilisine 2023 jyldyń birinshi jartyjyldyǵyn engizilmek). Bul turǵyda balyqty tyıym salynǵan quraldarmen aýlaǵyny úshin aıyppuldy 20-dan 50 aılyq eseptik kórsetkishke deıin ulǵaıtý jáne 1 jyl ishinde qaıtalap zań buzǵany úshin 15 táýlikke ákimshilik qamaýǵa alý eskerilip otyr», - dedi Serikqalı Brekeshev.

Budan buryn habarlanǵandaı, Qazaqstan jylyna 25 myń tonna balyq ónimderin eksporttaıdy.