Balyqty qutqarǵysy kelgen ıt barlyǵyn tańqaldyrdy
ASTANA. QazAqparat - «YouTube» áleýmettik jelisinde jaǵada jatqan balyqtardy qutqarǵysy kelgendeı áreket jasap júrgen ıt týraly beınerolık kópshilikke unap, ony 3 kúnniń ishinde jarty mıllıonnan astam adam tamashalaǵan, dep jazady «Rosbalt».
Vıdeo Taılandtyń Petchabýrı qalasynda túsirilgen. Onda jaǵadaǵy balyqtarǵa «meıirimdi ıt» tumsyǵymen sý shashyp, arasha túsedi. Bul beınebaıandy kórýshiler ıttiń jasaǵan jaqsylyǵyna tańdanyp, san túrli pikir jazǵan. Keıbiri osyndaı janashyrlyq adamdar arasynda bolsa, álem túzeler me edi dese, keıbiri ıt óz oljasyn kómýge asyǵyp jatqan deıdi. Muny áleýmettik jelilerde talqylaǵandardyń deni «It qurly bolmadyq pa?» degen maǵynada pikir aıtqan.
