Balyqty ańshy myltyǵymen atyp alyp júrgen adam ustaldy

NUR-SULTAN. QazAqparat – QR Іshki ister mınıstrligi balyq branonerlerimen kúresti kúsheıtti. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

Onyń atap ótýinshe, qazirgi ýaqytta quqyq qorǵaýshylar «Balqash» kólinde «Brakoner» operatsııasyn júrgizip jatyr. Operatsııa barysynda Shashýbaı aýylynyń tusynan motorly qaıyq mingen brakoner ustalyp, odan 1,5 tonnadan astam balyq alyndy. Sonymen qatar sýdan elimizde tyıym salynǵan 14 aý tárkilendi.

«Aıta keterligi, brakonerlerde tabıǵatqa degen qurmet múldem joq. Olar balyq aýlaý kezinde aýlar men torlardy, jarylǵysh zattar men qarý-jaraqty jáne elektr qarmaqtaryn paıdalaný arqyly zańsyz ári jabaıy ádisterdi qoldanady. Máselen, Іle ózeniniń Balqashqa quıar jaǵalaýynda Almaty turǵyny ustaldy. Ol balyqtardy ańshy myltymen atyp júrgen», - dedi Nurdildá Oraz.

Onyń aıtýynsha, «Brakoner» operatsııasyna áýesqoı balyqshylar da kómek kórsetip, brakonerlerdi jáne olardyń qaıyqtary men aýlaryna tabýǵa járdemesip jatyr.