Balyqshylar Jaıyq máselesine nazar aýdartý úshin erekshe aktsııa uıymdastyrdy
ATYRAÝ. QazAqparat – Atyraýda áýesqoı balyqshylar Jaıyq ózenine qatqan muz ústinde «Jerusalema» áýenine bıledi, dep habarlaıdy QazAqparat.
Jaqynda Prezıdent Qasym-Jomart Toqaev Úkimettiń keńeıtilgen otyrysynda Jaıyq ózeniniń ekologııalyq ahýalyna alańdaýshylyq bildirgen edi.
Memleket basshysynyń bul alańdaýshylyǵyna Atyraýdaǵy jergilikti belsendiler qoldaý kórsetti.
Sonyń biri - Jandos Álımaǵanbetov Jaıyq ózeniniń sýy ortaıyp, ekologııalyq apattyń aldynda turǵanyna qatysty pikirin aıtty.
«Biz muz ústinde «Jerusalema» áýenine bıleý arqyly Jaıyq ózenine nazar aýdarýdy jón kórdik. Muz ústindegi bıge Atyraý qalasynyń janashyr turǵyndary, @caspian_fishermen_atyrau tobynyń balyqshylary men eriktiler qatysty. Osyndaı erekshe ádisti tańdap, batys aımaqtaǵy turǵyndardyń tirshilik nárine aınalǵan ózenge degen janashyrlyǵymyzdy bildirýdi kózdedik» -deıdi ol.
Atyraýlyq jastar Jaıyq ózenine kórshi eldegi kóp bóget qaýip tóndiredi dep alańdaıdy.
«Qazaqstan Respýblıkasynyń Prezıdenti Qasym-Jomart Toqaev Úkimettiń keńeıtilgen otyrysynda ózenniń ekojúıesin saqtaý máselesin kóterdi. Biz jaqyn arada Jaıyq ózeniniń arnasyn qaıta tolǵanyn qalaımyz» deıdi atyraýlyq áýesqoı balyqshylar.
