Balyqshydaǵy qonys kolonııasynan eki qylmysker qashyp ketti
ASTANA. QazAqparat - Qyrǵyzstandaǵy Balyqshy qonys kolonııasynan sottalǵan eki qylmysker qashyp ketti, dep habarlaıdy «Kabar» agenttigi.
Tájikstan azamaty 39 jastaǵy Zafarjon Ismatov pen ózbekstandyq 34 jastaǵy Askarjon Býrıev 8 sáýir kúni Balyqshydaǵy №51 qonys kolonııasynan qashyp ketken.
Osy jyldyń aqpanynda Ismatov usaq urlyq jasaǵany úshin eki jylǵa sottalǵan. Býrıev te birneshe aı buryn ǵana jalǵan qujat jasaǵany úshin tórt jylǵa bas bostandyǵynan aıyrylǵan.
Atalǵan faktige baılanysty qylmystyq is qozǵaldy. Jergilikti mılıtsııa qashqyndardy izdestirip jatyr. Ótkizý-tekserý beketterinde baqylaý kúsheıtildi.
