Balyqqa qumar ánshi
ASTANA. 3 mamyr. QazAqparat - Sońǵy jyldary kógildir ekranda jıi kórinip júrgen ónerli azamat Nurlan Espanovtyń san qyrlylyǵy týraly jurt jıi aıtady.
Ol - ánshi, ol - telejúrgizýshi. Elge sazgerligimen de tanymal.
Arystyń uly óner jolynda ýaqytyn jetkize almaı, shapqylap júrse de hobbıine ýaqyt tabady eken. Ol san alýan markalar jınaýdy baıaǵydan ermek etedi. Qazir qolynda qansha marka baryn sanaý qıyn, degenmen bul isi kórgen jandy eriksiz qyzyqtyrady.
Sazgerdiń balyqty jaqsy kóretinin bireý bilip, bireý bilmeıdi. Balyq bolǵanda, onyń qumarlyǵy qolǵa qarmaq ustap, ózen jaǵalaý emes. Nurlannyń úıinde akvarıým bar. Túrli-tústi altyn jalatqandaı nebir súıkimdi balyqty jalyqpaı tamashalap, óz qolymen jem bergendi táýir kóredi.
