Balyq jegen bala aqyldy, ári tártipti bolyp ósedi - ǵalymdar zertteýi
ASTANA. 15 shilde. QazAqparat - Anglııadaǵy Oksford ýnıversıtetiniń sarapshylary balanyń qanyndaǵy Omega-3 maı qyshqyly mólsheriniń kóp bolýy onyń sabaq úlgerimi men tártibine oń áserin tıgizedi.
Balyqty kóp jegen balalar ózgelerge qaraǵanda jaqsy oqıdy dep sanaıdy. Bul týraly segodnya.ua saıty habarlady.
Ǵalymdar jeti men toǵyzynshy synyp aralyǵyndaǵy 500 balaǵa zertteý júrgizgen. Zertteý tájirıbesine grammatıkasy men tártibi nashar balalar qatystyryldy.
Zertteý aldynda barlyq balalardan qan alyndy. Ortasha eseppen qan quramyndaǵy Omega-3 maı qyshqyly olarda 2,46% quraǵan. Al qalypty jaǵdaıda ol 4% bolýy tıis. Atalǵan qyshqyldyń az bolýy balalardyń oqýǵa, jazýǵa degen qabiletin azaıtyp, este saqtaý qabiletine keri áserin tıgizetini anyqtaldy. Sebebi qan quramyndaǵy maı qyshqylyn kóbeıtkennen keıin bul balalar jańa materıaldy áldeqaıda jaqsy qabyldap, janjal shyǵarýlaryn azaıtqan.
