Balyq ýyldyryǵyn óndirýmen aınalysatyn kásiporyndardy myqtap tekserý qajet - ІІM
ASTANA. Naýryzdyń 3i-i. QazAqparat /Aıdar Ospanalıev/ - «Biz kóktem mezgilinde jyl saıyn balyqty brakonerlik jolmen aýlaýmen kúres júrgizemiz. Al bul ýaqytta bizben qatar osyndaı jolmen aýlanǵan balyqtardyń ýyldyryǵy satylyp jatady.
Eń bastysy, bul ónimderdiń markasy, ıaǵnı satýǵa degen ruqsaty joq. Búgin de elde ýyldyryq óńdeýmen aınalysatyn birde-bir kásiporyn arnaıy ruqsat alǵan joq. Bul máselemen múkin bolsa qarjy polıtsııasy organdary myqtap aınalysqandary jón», dedi búgin Іshki ister mınıstrliginiń Ákimshilik polıtsııa komıtetiniń lıtsenzııalyq ruqsat berý jumysy basqarmasy bastyǵynyń orynbasary Maqsat Baıbolov, dep habarlaıdy QazAqparat.
Onyń sózine qaraǵanda, tekserý jumystaryn qarjy polıtsııasy organdary júrgizýi qajet. Sebebi, Іshki ister salasynyń shaǵyn jáne orta kásipkerlikti tekserýge quqyqy joq. «Biz bekire tuqymdas balyq saýdasyna, ásirese onyń ýyldyryǵyn saýdalaýǵa degen talaptardy kúsheıtýdi buryn da usynǵanbyz. Bul máseleni sheshetin ýaqyt jetti. Sonymen qatar, tekserý jumystarynyń zańdylyǵyn qamtamasyz etýge prokýratýra organdarynyń da aralasqandary jón bolar edi. Menińshe, biz osy sııaqty máselelerdi bıyl júrgiziletin zańsyz balyq aýlaýmen kúres sharalarynyń barysynda sheshpesek, problemalar aldaǵy ýaqytta da jalǵasa beredi», dedi basqarma bastyǵynyń orynbasary.
Sondaı-aq, onyń aıtýynsha, balyqtardyń ýyldyryq shashatyn ýaqytynda sý kólikteriniń sýǵa shyǵý merzimine de baılanysty problemalar bar. «Osyǵan qaraı, búgin kemelerdiń júzý retin qalaısha retteımiz degen másele týyp otyrǵany ras. Sebebi Oral men Kaspıı aımaǵynda bul eń ózekti máselelerdiń biri. ıAǵnı, balyqtar ýyldyryq shashyp jatqanda kemeler de lek-legimen júzip júredi. Osy rette aıta ketetin másele, bizge naqty bir sheshimge kelý qajet. Biz ýyldyryq shashylatyn ýaqytta kólikterdiń júzýin múldem toqtatamyz nemese olardyń belgili bir aımaqtarda júzýlerine tyıym salamyz. Bul qorshaǵan ortany qorǵaý salasyna da qatysty másele», dedi M.Baıbolov.
