Balyq sharýashylyǵy týraly zańǵa ınvestorlardy yntalandyratyn normalar engizilmek
Bul týraly Úkimet otyrysynda Ekologııa, geologııa jáne tabıǵı resýrstar mınıstri Maǵzum Myrzaǵalıev aıtyp berdi, dep habarlaıdy QazAqparat tilshisi.
«Bıznesti aýyl sharýashylyǵy maqsatyndaǵy orynda balyq ósirý sharýashylyqtaryn salý kezindegi shyǵyndardy óteýden bosatý boıynsha normalar qabyldanady. Jalpy 2021 jyly biz qoldanystaǵy zańnamaǵa balyq ósirý sharýashylyqtaryn salý rásimderin jeńildetý, jobalaý-smetalyq qujattamany ázirleýdi jáne memlekettik saraptamadan ótýdi boldyrmaý bóliginde ózgerister engizýdi josparlap otyrmyz. Nátıjesinde balyq toǵandaryn ornalastyrý – jergilikti atqarýshy organmen kelisilgen eskızdik jobalar boıynsha júzege asyrylady. Tıisti zań jobasy Parlament Májilisiniń qaraýynda jatyr», - dedi Maǵzum Myrzaǵalıev Úkimet otyrysynda.
Onyń aıtýynsha, osy túzetýlerdiń barlyǵy balyq ósirý kezinde tabıǵı artyqshylyqtardy tıimdi paıdalanýǵa, shyǵyndardy azaıtýǵa jáne ózindik qunyn tómendetýge múmkindik beredi.
