Balyq sharýashylyǵy salasynda 100 myńnan astam adam eńbek etedi

Búgin Aýyl sharýashylyǵy mınıstrliginde balyq sharýashylyǵy salasyndaǵy qaıta óńdeý máselelerine arnalǵan dóńgelek ústel jıyny barysynda Balyq sharýashylyǵy komıtetiniń tóraǵasy ıÝrıı Romashov osylaı málim etti, dep habarlaıdy QazAqparat.

Komıtet tóraǵasynyń aıtýynsha, Qazaqstannyń balyq sharýashylyǵy salasy el ekonomıkasynyń tolyqqandy tabysty sektorlarynyń biri bolyp tabylady. Sonymen birge, atalǵan sala elimizdiń kóptegen azamattary úshin kúndelikti tabys kózi retinde úlken mańyzǵa ıe bolyp otyr.

«Bunymen qosa, balyq aýlaý men onyń ónimderin óńdeýge mamandanǵan birqatar kásiporyndar qalalyq nemese aýyldyq jerlerdegi áleýmettik baǵdarlanǵan máselelerdiń keń aýqymyn sheshýge úlken septigin tıgizip otyr. Atap aıtqanda, elimizdiń balyq sharýashylyǵy birqatar eldi mekender úshin jumyspen qamtýda mańyzdy ról atqarýda. Búgingi kúni aldyn ala baǵalaý boıynsha Qazaqstannyń balyq sharýashylyǵy salasynda 100 myńnan astam adam eńbekpen qamtylǵan», dedi ıÝ. Romashov.