Balyq sharýashylyǵy salasyn sharýashylyǵy ónimin óndirýshiler qataryna jatqyzý jónindegi qaýlyny tezdetip kúshine engizý qajet - dóńgelek ústel otyrysy
áýirdiń 6-sy. QazAqparat /Aıdar Ospanalıev/ - Balyq sharýashylyǵy salasynyń qyzmetkerleri úkimetten atalmysh salany aýyl sharýashylyǵy ónimin óndirýshiler qataryna jatqyzý jónindegi qaýlyny tezdetip kúshine engizýdi surap otyr.
Bul týraly búgin balyq sharýashylyǵy salasyndaǵy qaıta óńdeý máselelerine arnalǵan dóńgelek ústel otyrysynda «Qazbalyqsharýashylyǵy» respýblıkalyq qaýymdastyǵynyń prezıdenti Baqytjan Samuratov málim etti, dep habarlaıdy QazAqparat.
Onyń aıtýynsha, atalmysh qaýly ótken jyly shyqqan. Alaıda ol tek kelesi jyldyń qańtar aıynyń 1-inen bastap qana kúshine enedi. «Osy oraıda biz elimizdiń Kedendik Odaqqa múshe bolyp enýine baılanysty bul isti múmkindiginshe jedeldetý jóninde usynys jasaýdy surap otyrmyz. Bizdińshe atalmysh qaýlynyń aǵymdaǵy jyldyń shilde aıynyń 1-inen bastap kúshine engeni durys», dedi qaýymdastyq prezıdenti.
Onyń sózine qaraǵanda, balyq sharýashylyǵy salasynyń budan utary kóp. Sebebi aýyl sharýashylyǵy ónimin óndirýshilerdiń jeńildikteri mol. «Mysaly, biz qazir 100 paıyz salyq tóleıtin bolsaq, qaýly kúshine ense 30 paıyz salyq tóleımiz. Sondaı-aq janar-jaǵarmaı men nesıelerdi, sýbsıdııalardy jeńildikpen alamyz. ıAǵnı bizde úlken jeńildikter bolady. Al bul shara bizge qoldaý bolar edi. Ásirese, elimizdiń qazirgideı Kedendik odaqqa múshe bolyp engeli turǵan tusynda», dedi B.Samuratov.
