Balyq sharýashylyǵy salasyn materıaldyq-tehnıkalyq jaǵynan kúsheıte túsý qajet

Bul týraly búgin Aýyl sharýashylyǵy mınıstrliginde ótken baspasóz máslıhatynda Balyq sharýashylyǵy komıtetiniń tóraǵasy ıÝrıı Romashov málim etti, dep habarlaıdy QazAqparat.

«Qazirgi tańda elimizdegi balyq qoryn qorǵaýǵa qatysty atqarylyp jatqan is-sharalarǵa kóńil tolady. Degenmen de, bul baǵyttaǵy nátıjeni odan saıyn jaqsartýǵa bolatyn edi, biraq oǵan materıaldyq-tehnıkalyq jabdyqtaý boıynsha týyndaǵan qıyndyqtar kedergi bolyp otyr. Máselen, Balyq sharýashylyǵy komıtetiniń arnaıy organdaryna qazirgi tańda 151 avtokólik bolýy qajet edi. Bul Úkimetpen bekitilgen norma. Ókinishke qaraı, balyq sharýashylyǵy organdaryndaǵy qamtylǵan kóliktiń sany 64 qana bolyp otyr, ıaǵnı 87 avtokólik jetkiliksiz», dedi ıÝ. Romashov.

Sonymen birge, Komıtet tóraǵasynyń aıtýynsha, balyq sharýashylyǵy organdaryna «Teńiz» sanatyna jatatyn 5 teńiz kemesi qajet bolatyn bolsa, arnaıy organdarda bunyń bireýi de joq. 30-ǵa jýyq jeke kemeler de jetispeıdi.

«Osyǵan oraı, Aýyl sharýashylyǵy mınıstrligi Úkimetke materıaldyq-tehnıkalyq jabdyqtardy kúsheıtý týraly ótinish jasaýda», dedi ıÝ. Romashov.