Balyq sharýashylyǵy komıtetiniń burynǵy tóraǵasyna qatysty is sotqa tapsyryldy
ASTANA. 17 qarasha. QazAqparat /Marlan Jıembaı/ - Nemquraılyq jasady dep aıyptalyp otyrǵan QR AShM Balyq sharýashylyǵy komıtetiniń burynǵy tóraǵasy Romashov pen onyń orynbasary Shýtkaravtyń isi sotqa tapsyryldy.
Bul týraly búgin elordada ótken baspasóz máslıhaty barysynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Onyń atap ótýinshe, atalǵan laýazymdy tulǵalardyń nemquraılyǵy saldarynan 2010 jylǵy naýryz ben mamyr aralyǵynda Atyraý oblysynyń 9 balyq aýlaý kásiporny qoldanystaǵy zańnamany buza otyryp, Jaıyq ózeninde balyqtyń kóshý jolynda ári ýyldyryq shashý maýsymynda 518 mln. teńgeniń balyq resýrstaryn aýlaǵandyǵy tergeý barysynda anyqtalyp otyr. Bul eldiń bıoresýrstaryna aıtarlyqtaı zalal keltirýmen qatar, balyqtardyń keıbir túrleriniń sanynyń azaıýyna nemese múlde joıylýyna jol berýi múmkin.
"Qylmystyq is materıaldary aǵymdaǵy jylǵy 27 qazanda Astana qalasynyń Saryarqa aýdandyq sotyna joldandy», - dedi resmı ókil.
