Balyq sharýashylyǵy ǵylymı-zertteý ınstıtýtynyń derbestigi saqtalýy kerek - S. Eńsegenov
Depýtattyń sózine qaraǵanda, qazirgi tańda «ǵylymı-zertteý ınstıtýttaryn ońtaılandyrý qajettiligine baılanysty» degen sebeppen elimizde birqatar ınstıtýttar biriktirilip jatyr.
«Sonyń ishinde Qazaq balyq sharýashylyǵy ǵylymı-zertteý ınstıtýtyn mal sharýashylyǵy baǵytyndaǵy Qazaq mal sharýashylyǵy jáne jem-shóp ónimderi óndirisine qosý josparlanýda. Bul rette balyq sharýashylyǵy ǵylymı zertteý ınstıtýty fılıal mártebesinde qalady eken. Bizdiń pikirimizshe, bul tym asyǵys sheshim. Óıtkeni, eki ınstıtýttyń zertteý nysandary men ádistemeleri ártúrli. Bular bir-birinen óte alshaq jatqan ǵylymı mekemeler», - deıde senator Eńsegenov.
Onyń aıtýynsha, bir-birimen baılanyssyz eki ǵylymı mekemeniń qosylýy jáne balyq sharýashylyǵynyń qosalqy bolýy bolashaqta bilikti mamandardyń bul saladan ketýine áser etýi múmkin. Al bul óz kezeginde elimizde onsyz da kenjelep qalǵan balyq sharýashylyǵynyń damýyna keri áser beretini sózsiz.
«Biz QR Balyq sharýashylyǵy ǵylymı-zertteý ınstıtýtynyń birtutastyǵy men derbestigin saqtap qalý týraly usynys bergenbiz. Senatorlardyń birqatary osy usynysty qoldap otyr», - dedi senator.
