«Balyq qabyrshaqty» bala elge oraldy
ASTANA. QazAqparat - Ihtıoz dertine shaldyqqan Jasulan Qorǵanbek Izraılden oraldy. Tel-Avıv qalasynda bir aı emdelip kelgen balaqaıdyń qazirgi jaǵdaıy jaqsy. Ol denesin basqan qabyrshyqtan qulan-taza aıyǵyp ketpese de, terisi seksen paıyzǵa jańarǵan.
Tolyǵymen jazylmaýynyń sebebi - tuqym qýalaıtyn bul aýrýdyń ázirge emi joq eken. Sondyqtan sheteldik dárigerler onyń terisin túrli jaqpa maılardyń kómegimen ylǵaldandyrǵan.
«Sonyń arqasynda Jasulan ózin sergek sezinip, sýǵa da erkin shomylatyn boldy», - deıdi anasy. Alaıda, em-dom sharalary munymen aıaqtalǵan joq. Endi eki aıdan keıin Jasulan anasymen birge taǵy da atalmysh elge baryp, qosymsha tekseristen ótedi. «Balamnyń qan quramynan bir gen jetispeıtindigi anyqtaldy. Ony ornyna keltirý úshin emdi jalǵastyratyn bolamyz. 15 kún ish qurylysyn emdedi. Sońǵy kezde júregi álsirep, jıi soǵatyn. Sonyń bárin zerttedi, em júrgizdi», - dedi Jasulannyń anasy Ulbıbi Yqylasova. Aıyqpas aýrýǵa shaldyqqan bes jasar balaqaıdyń shetelge shyǵyp em qabyldaýyna janashyr jandar qol ushyn sozǵan edi. Sonyń arqasynda Jasulannyń esepshotyna segiz mıllıon teńge jınalyp, shetelge attanǵan bolatyn. Bul qarjydan artylǵan bir mıllıon teńgeni anasy aldaǵy ýaqytta dári-dármek alýǵa jumsamaqshy, dep habarlaıdy Jetinshi arna.
