Balyq ınspektorlary Talas ózenindegi 50 myń shabaqty aman alyp qaldy
TARAZ. QazAqparat - Jambyl oblysynda Talas ózeninde balyq ınspektsııasynyń mamandary balyqtardyń jappaı qyrylýynyń aldyn alyp jatyr, dep habarlaıdy QazAqparat tilshisi.
Eske sala ketsek, aptap ystyqtyń údep, kórshiles Qyrǵyzstan tarapynan jiberiletin sýarýǵa arnalǵan sýdyń azaıýynan Talas ózeni jaǵasynyń keıbir bólikterinde balyqtardyń jappaı qyrylýy tirkelgen. Áleýmettik jelide Talas aýdanynda túsirilgen vıdeo tarap, ondaǵy turǵyn Talas ózeniniń tómengi aǵysynda Oıyq sý qoımasyna 20 shaqyrym jerde myńdaǵan balyqtyń qyrylyp jatqanyn kórsetedi. Ystyqtyń saldarynan óli balyqtardyń az ýaqyttyń ishinde buzylyp jatyr.
«Qazirgi tańda bul jerde shuǵyl toptyń 30 adamy jumys júrgizýde. Taǵy bir top jaqynda kelip qalýy kerek. Ystyq bizde +45 gradýsqa barady. Búginge deıin alty túrli 50 myń shabaq qutqaryldy. Shabaqtardy aýlap alyp, jaqyn mańdaǵy sý qoımalaryna jiberip jatyrmyz. 2 500 óli balyq kómildi. Qyrǵyz tarapynan Kırov sý qoımasynan jetkilikti sý jiberilmegendikten, osyndaı jaǵdaı týyndap otyr. Oblystyq basqa sý qoımalarynda ahýal turaqty», - deıdi QR AShM orman sharýashylyǵy jáne janýarlar álemi Komıtetiniń Jambyl oblystyq ınpektsııasy balyq sharýashylyǵy bóliminiń basshysy Bolat Asanbekov.
Bolat Asanbekovtyı aıtýynsha, 5 shilde kúni Kırov sý qoımasynan Talas ózenine sekýndyna 14 tekshe metr sý jiberilip turǵan. Al memleketaralyq kelisimge sáıkes bul mólsher 52 tekshe metr bolýy kerek.
«Shý-Talas ınspektsııasymen jáne «Qazsýsharmen» jumys júrgizildi. Sýdyń jiberilý mólsheri artyp keledi. Qyrǵyz tarapymen másele rettelip keledi», - deıdi ol.
Aıta ketsek, Jambyl oblysyna keletin sýarýǵa arnalǵan sýdyń 80 paıyzy transshekraalyq Talas pen Shý ózeni arqyly Qyrǵyzstan jaqtan keledi. Kórshiles elder úshin sý sharýashylyǵy turǵysyndaǵy yntymaqtastyq máselesi men sýarýǵa arnalǵan sýdyń jetkiliksizdigi jyldar boıǵy túıindi máselege aınalyp keledi.
