Balyq ınspektsııasyn jabdyqtamaıynsha, brakonerlerdi joıa almaımyz - Noǵaev
ASTANA. QazAqparat - Atyraýdyń balyq ınspektsııasyn materıaldyq-tehnıkalyq jabdyqtaý úshin 1 mlrd 200 mln teńge qajet. Bul týraly búgin Úkimettiń selektorlyq rejimdegi otyrysynda Atyraý oblysynyń ákimi Nurlan Noǵaev aıtty, dep habarlaıdy QazAqparat.
«Bizde shıelenisip turǵan másele - zańsyz balyq aýlaý. ıAǵnı, brakonerlik. Atap aıtar bolsaq, bıylǵy jyly 1 300 quqyqbuzýshylyq anyqtaldy. Onyń 250-i sotqa jiberilgen bolsa, 18 qylmystyq is qozǵaldy. 20 tonna, onyń ishinde 1 tonna 200 keli qyzyl balyq, 1 300 tonna zańsyz balyq aýlaý quraldary jáne 230 zańsyz qaıyq tárkilendi. 27-si - «Baıda» qaıyqtary. Olardyń qýaty zańsyz ornatylǵan motorlardyń esebinen 500 attyń kúshine deıin jetedi. Baǵasy - 50 myń dollar. Bul buryn bolmaǵan ister», - dedi oblys basshysy.
Osy rette Nurlan Noǵaev barlyq memlekettik organdardyń, quqyq qorǵaý organdarynyń, ishki ister departamentiniń, Ulttyq qaýipsizdik komıteti shekara qyzmetiniń birlesken jumystarynyń nátıjeli bolyp otyrǵandyǵyn basa aıtty.
«Bul jerde Baqytjan Ábdiruly, atap ótetin másele - brakonerlerdiń materıaldyq-tehnıkalyq jabdyqtalýy. Olardyń jabdyqtalýy memlekettik organdardyń materıaldyq-tehnıkalyq jabdyqtalýynan áldeqaıda zor jáne kúshtirek. Osyny eskere otyryp, balyq ınspektsııasyn qajetti qaıyqtarmen, teńizde júretin kemelermen basqa da vıdeokameralar, drondarmen, basqa qajetti materıaldermen jabdyqtaý úshin biz óz usynymyzdy 1 mlrd 200 mln teńgege engizgen edik. 2018 jylǵa 620 mln teńge qajet. Osyny usynysty qoldaýyńyzdy suraımyn. Siz osynda saparmen bolǵan kezde de osy másele týraly aıtqanbyz. Balyq ınspektsııasyn qajetti zattarmen qamtamasyz etpesek, onda brakonerlikti joıý neǵaıbyl», - dedi Atyraý oblysynyń ákimi Úkimet basshysy Baqytjan Saǵyntaevqa qarata.
