Balyq aýlaýǵa ketken oraldyqtyń máıiti tabyldy
ORAL. QazAqparat - Oralda balyq aýlaýǵa ketken turǵynnyń denesi tabyldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetine qaraǵanda, 1961 jylǵy azamattyń denesin qutqarýshylar búgin saǵat 12.40-ta sýdan shyǵardy.
Marqum qalaǵa qarasty Krýgloozernyı kenti tusynda Jaıyq ózenine batyp ketken. Onyń denesin shyǵarýǵa jedel qutqarý jasaǵynan 5 qyzmetker 1 tehnıka, 1 júzý quralymen qatysty.
Eske sala keteıik, budan buryn Oralda 16 maýsym kúni balyq aýlaýǵa ketken turǵynnyń tabylmaı jatqanyn jazǵan bolatynbyz.
Bıyl osymen óńirde 15 adam sýǵa ketse, sonyń úsheýi - balalar.
