Balyq aýlaýǵa ketken Aqmola oblysynyń turǵyny birneshe kún adasyp júrgen
ASTANA. QazAqparat - Balyq aýlaýǵa ketken Aqmola oblysynyń turǵyny bes kúndeı iz-tússiz joǵalyp ketkender qatarynda sanaldy, dep habarlaıdy óńirlik ІІD-iniń baspasóz qyzmetine silteme jasaǵan «QazAqparat» HAA.
«19 shilde kúni Astrahan aýdandyq ishki ister bólimine Jaltyr aýylynyń turǵynynan habarlama kelip túsken. Áıel 67 jastaǵy kúıeýiniń 17 shilde kúni balyq aýlaýǵa ketip, áli kúnge deıin qaıtyp oralmaǵandyǵyn málimdegen. Eki kúndeı týysqandary izdeý jumystaryn óz betterimen júrgizgen, sodan keıin polıtsııa kómegine júgindi», - delingen habarlamada.
Táýlik boıy kúsheıtilgen izdeý jumystary júrgizilip, úlken aýmaq tekserildi, taksı júrgizýshileri, temirjol jáne avtobeket jumysshylaryna suraý salyndy. 20 shilde kúni polıtsııa qyzmetkerleri joǵalǵan er azamatty jazyq daladan taýyp aldy. Ol birneshe kún boıy adasyp, jol taba almaı júrgen. Tártip saqshylarynyń ýaqytynda kórsetilgen kómegi qaıǵyly oqıǵanyń aldyn alýǵa septigin tıgizdi. Qazirgi ýaqytta joǵalǵan azamat týǵan-týystarynyń qasynda.
Jyl basynan beri Aqmola oblysynyń polıtsııa qyzmetkerleri iz-tússiz joǵalǵan 58 adamdy tapty, olardyń beseýi kámelettik jasqa tolmaǵandar.
