Balýandarymyz Olımpıadanyń sońǵy lıtsenzııalary oınatylatyn týrnırge qatysady

ASTANA. KAZINFORM – 9 mamyr kúni Túrkııanyń Stambýl qalasynda kúres túrlerinen Parıj olımpıadasynyń joldamalary sarapqa salynatyn sońǵy lıtsenzııalyq týrnır bastalady.Atalǵan týrnırde 54 olımpıada joldamasy sarapqa salynady. Qazaqstan balýandary onyń ishinde 11 lıtsenzııaǵa talasady.

Aıta keteıik, búgingi tańda Qazaqstan balýandarynyń enshisinde jalpy esebi jeti joldama bar. Onyń tórteýin grek-rım kúresiniń ókilderi ıelense, úsheýi – erkin kúres sheberlerinde. Al burymdy balýandarymyz áli birde-bir joldamaǵa qol jetkize alǵan joq.

Olımpıadaǵa sońǵy irikteý týrnırine álemniń 93 memleketinen 517 balýan qatysady.

Stambýl qalasynda ótetin álemdik týrnırde ár salmaqtan úsh balýan joldamaǵa ıe bolady.

Joldamaǵa talasatyn qazaqstandyq balýandar:

Áıelder kúresi:
50 keli - Laýra Ǵanıqyzy;
53 keli - Marına Sedneva;
57 keli - Laýra Almaǵanbetova;
62 keli - Irına Kýznetsova;
68 keli - Elena Shalygına;

76 keli - Elmıra Syzdyqova

Erkin kúres:
57 keli - Rahat Qaljan;
65 keli - Adlan Asqarov;
74 keli - Talǵat Syrbaz.

Grek-rım kúresi:
67 keli - Din-Muhammed Qoshqar
97 keli - ıÝsýf Matsıev