Balýan Tynys Dúbek Azııa chempıonatynyń qola júldesi úshin kúresedi
ASTANA. KAZINFORM – Qazaqstandyq balýan Tynys Dúbek Bishkek qalasynda (Qyrǵyzstan) ótip jatqan áıelder kúresinen Azııa chempıonatynyń jartylaı fınalynda jeńilip qaldy.
62 kelige deıingi salmaq dárejesinde ótken kezdesýde otandasymyz Soltústik Koreıa sportshysy Hen Gen Mýnmen beldesti. Ókinishke qaraı Tynys 11:0 esebimen merziminen buryn jeńilip, qarsylasyna esh qaýqar tanyta almady.
Degenmen Tynys Dúbek 10 sáýirde qurlyq birinshiliginiń qola júldesi úshin kúresýge múmkindik alyp otyr.
Eske salsaq, buǵan deıin Bishkektegi Azııa chempıonatynda áıelder kúresinen Tynys Dúbektiń jartylaı fınalǵa shyqqanyn habarlaǵanbyz.
