Balýan Sholaq atyndaǵy sport saraıy men «Rıtts Palas» saýda úıinde zańsyz oıynhana uıymdastyrýshylarǵa qatysty qylmystyq isterdi tergeý aıaqtaldy
ASTANA. 5 aqpan. QazAqparat - Almaty qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti Balýan Sholaq atyndaǵy sport saraıynyń ǵımaratynda jáne «Rıtts Palas» saýda úıinde zańsyz oıynhana uıymdastyrýshylarǵa qatysty qylmystyq isterdiń tergeýin aıaqtady.
QR Ekonomıkalyq qylmysqa jáne sybaılas jemqorlyqqa qarsy kúres agenttiginiń habarlaýynsha, qylmystyq ister prokýratýraǵa joldandy.
«Departament qyzmetkerleri Almaty qalasynyń aýmaǵyndaǵy zańsyz oıyn zaldaryn anyqtaý jáne áshkereleý boıynsha jumysyn jalǵastyratyn bolady. Aǵymdaǵy jylǵy 29 qańtarda "Aınabulaq" yqshamaýdanynda zańsyz oıyn bıznesin uıymdastyrý faktisi boıynsha T. Sadyqovqa qatysty qylmystyq is qozǵaldy. Tekserý barysynda Departament qyzmetkerlerimen atalǵan oıyn zalynan kóleńkeli aınalymnan túsken aqsha qarajaty jáne 13 oıyn apparattary, 1 elektrondy rýletkasy tárkilendi», - delingen habarlamada.
Vedomstvonyń aqparatyna qaraǵanda, qazirgi tańda T. Sadyqovqa qatysty QR QK 269-1-baby 1-bóligi boıynsha qylmystyq is qozǵaldy. Qylmystyq is tergelýde, nátıjeleri jarııalanatyn bolady.
