Balýan Dáýlet Nııazbekov Olımpıada oıyndaryn jeńispen bastady

TOKIO. QazAqparat - Erkin kúresten qazaqstandyq balýan Dáýlet Nııazbekov Olımpıada oıyndaryn sátti bastady, dep habarlaıdy QazAqparat Olympic.kz-ke silteme jasap.

Qazaqstandyq balýan 1/8 fınalynda kýbalyq álem chempıonatynyń eki dúrkin qola júldegeri kýbalyq Alehandro Valdespen kezdesti. Ekeýara kezdesý 21:11 esebimen qazaqstandyq balýannyń enshisine sheshildi.

Beldesýdiń basym bóligin kýbalyq balýan 9:2 esebimen jeńip turǵanda Dáýlet Nııazbekov úzdiksiz nátıjeli ádis jasap beldesý aıaqtalǵansha 21 upaı enshiledi. Erejege sáıkes, upaı aıyrmashylyǵy 10 upaı bolǵandyqtan Dáýlet Nııazbekovke ýaqytynan buryn tehnıkalyq jeńis berildi.

Foto: Jeńis Ysqabaı, Qazaqstan UOK