Balýan Danııar Qaısanov Olımpıadaǵa joldama aldy

NUR-SULTAN. QazAqpara - Kúres túrlerinen elordada ótip jatqan álem chempıonatynda taǵy bir qazaqstandyq joldama aldy, dep habarlaıdy QazAqparat tilishi.

74 kelide beldesken Danııar Qaısanov keshe ótken shırek fınaldyq básekede álem úzdigi, ıtalııalyq Frank Chemızodan utylǵan bolatyn. Chemızo óz kezeginde fınalǵa joldama alyp, Qaısanovqa jubanysh beldesýine qatysý múmkindigi berildi.

Búgin ótken jubanysh básekesinde Danııar Ońtústik Koreıa ókili Lı Syn-Chholdi 6:0 esebimen utyp, 2020 jylǵy Tokıo Olımpıadasyna joldama jeńip aldy. Búgin keshki sessııada ótetin kishi fınalda Danııar Qaısanov frantsııalyq Zelımhan Hadjıevke qarsy kilemge shyǵady.

Esterińizge sala keteıik, osyǵan deıin erkin kúresten 70 keli salmaqta el namysyn qorǵap jatqan balýanymyz Nurǵoja Qaıpanov búgin altyn medal úshin beldesetini týraly habarlaǵan bolatynbyz.