Baltyq teńiziniń túbinen 200 jyldyq syra tabyldy
ASTANA. Qyrkúıektiń 3-i. QazAqparat - Baltyq teńiziniń túbinen jasy shamamen 200 jyl dep boljanyp otyrǵan syra quıylǵan shólmekter tabyldy, dep habarlaıdy AFP. Syra quıylǵan shólmekterdi Aland araldary aımaǵynan fın súńgýirleri tapty. Syra Baltyq teńizinde 1800 jyldardyń basynda batyp ketken kemeniń ishinen tabyldy.
Saraptamashylar atap ótkendeı, syra óziniń tabıǵı túsi men quramyn saqtap qalǵan. Іshimdiktiń jaqsy saqtalýyna onyń salqyn sýda jáne teńizdiń jaryqpen az qamtylǵan bóliginde jatýy sebep bolǵan syńaıly.
Aldyn ala baǵalaý boıynsha, teńiz túbinen tabylǵan syra shólmekterin álemdegi eń kári syra dep ataýǵa ábden bolady. Osyndaı 200 jyldyq bir shólmek syranyń qansha bolatynyn mamandar dóp basyp aıta almaı otyr.
Atap ótý kerek, jaqynda, shilde aıynda osy Baltyq teńiziniń túbinen súńgýirler eki júz jyldan astam saqtalǵan tańy bir sýsyn - shampandy tapqan edi. Ol kezde jalpy sý túbinen 30 shólmek shyǵaryldy. Olardyń árqaısysy birneshe ondaǵan myń eýroǵa baǵalanǵan edi.
