Baltyq teńizinen HІH ǵasyrda batyp ketken shampan tıelgen keme tabyldy

ASTANA. KAZINFORM— Polıak súńgýirleriniń biregeı oljasy - bortynda shampan kollektsııasy tıelgen HІH ǵasyrda sýǵa batqan keme. Baǵaly bótelkeler esh búlinbegen, dep jazady Euronews.

Jaqynda bir top polıak mamandary Baltyq teńizine ekspedıtsııa kezinde eski balyq aýlaýshy qaıyǵyna uqsas batyp ketken kemege tap boldy. Bastapqyda eshqandaı erekshelik baıqalmaǵanymen, súńgýir Marek Kakaı men Pavel Trýshınskıı kemeni tereń zertteýge bel baılady.

Olardyń qyzyǵýshylyǵy beker bolmady: Baltyq teńiziniń 190 fýt tereńdiginde tamasha saqtalǵan HІH ǵasyrda batyp ketken jelkendi kemeniń ishinen shampan kollektsııasy tabyldy.

Súńgýirler tobynyń jetekshisi Tomash Stachýra sýǵa batqan kemeden tabylǵan zattar – mıneraldy sý bótelkeleri, farfor, shampan – Stokgolmdegi korol dastarhanyna nemese Sankt-Peterbýrgtegi orys patshasynyń rezıdentsııasyna qaraı bara jatqan bolýy múmkin dep boljaıdy. Alaıda keme apatqa ushyraǵan.

- Meniń daıvıngpen aınalysqanyma 40 jyldan asty jáne meniń tájirıbemde apatqa ushyraǵan kemelerden bir-eki bótelke tabylatyn, biraq dál mundaı úlken bótelke qoryn birinshi ret kórýim, - dedi Stachýra Associated Press agenttigine.

Keme bortynan alkogolden basqa, Selters japsyrmalary bar keramıkalyq bótelkeler de tabyldy, bul mıneraldy sýlardyń emdik qasıeti bar dep esepteldi. Shampan markasy áli anyqtalǵan joq, biraq Stachýranyń aıtýynsha, shampan tyǵynan «R» árpin anyq baıqaýǵa bolady.

Selters-an-der-Lan kompanııasynyń shampan sarapshylary men mıneraldy sý jetkizýshileri bótelkelerge zerthanalyq zertteý júrgizýge qyzyǵýshylyq tanytty. Stachýra sýǵa batqan kemeni zertteý boıynsha ári qaraıǵy sheshimdi Shvetsııa bıligi qabyldaıtynyn atap ótti.