Baltamen urǵan: Aqtaý polıtsııasy kúdiktilerdi ustap, qamaýǵa aldy

AQTAÝ. QazAqparat – Aqtaýda baltamen jáne ózge quraldarmen adamdardy uryp-soqqan kúdiktiler ustalyp, qamaýǵa alyndy, – dep habarlaıdy QazAqparat Polisia.kz saıtyna silteme jasap.

«Áleýmettik jelilerde betperde kıgen jastar balta jáne ózge de quraldarmen eki azamatqa zorlyq-zombylyq kórsetip jatqany týraly vıdeojazbalar taralyp jatyr. Eki fakti boıynsha da QR Qylmystyq kodeksiniń 293-baby 3-bóligi boıynsha qylmystyq is qozǵaldy.

Anyqtalǵandaı, eki oqıǵa da Aqtaý qalasynda ártúrli ýaqytta bolǵan. Polıtseıler qazirgi tańda jábirlenýshiler men úsh kúdiktini anyqtap, 16 jáne 21 jastaǵy kúdiktilerdi ustady. Taǵy bir kúdiktini ustaý boıynsha jedel-izdestirý sharalary júrip jatyr», - delingen usynylǵan málimette.

Qazir eki oqıǵa boıynsha tergeý amaldary júrip jatyr. Qylmys jasaǵan kúdiktiler ýaqytsha ustaý ızolıatoryna qamaldy.