Baltamen mektepte balalardy jaraqattady: Petropavlda sot otyrysy bastaldy

Petropavlda bıyl aqpan aıynda №4 mekteptiń 9-synyp oqýshysy synyptastaryna baltamen umtylyp, úsh oqýshyny jaraqattady. Búgin osy qylmystyq is boıynsha aldyn ala sot otyrysy ótti, dep habarlaıdy Kazinform.

Soltústik Qazaqstan oblystyq soty baspasóz qyzmetiniń málimetinshe, qylmystyq ister jónindegi mamandandyrylǵan aýdanaralyq sot isti jabyq rejımde qarap jatyr. Jasóspirim «kisi óltirýge oqtalý» baby boıynsha zań aldynda jaýap berdi.

13 qazanda aldyn ala sot otyrysy ótti, onyń barysynda sottalýshy men jábirlenýshilerdiń jeke basyn anyqtaý, olardy quqyqtarymen tanystyrý syndy protsedýralar júrgiziledi.

Eske salaıyq, oqıǵa Petropavldaǵy №4 mektepte 13 aqpan kúni boldy. 9-synyp oqýshysy mektepke ózimen birge balta ala baryp, synyptastaryn jaraqattady. Saldarynan úsh bala aýrýhanaǵa tústi. Al kúdikti oqýshy birden qamaýǵa alyndy.

Buǵan deıin brıfıngte oblystyq Polıtsııa departamentiniń bastyǵy Aıdyn Qabduldınov kúdikti tergeý ızolıatorynda otyrǵanyn aıtty.

Jasóspirimniń aqyl-esiniń durystyǵyn anyqtaý úshin onymen mamandar jumys istedi. Polıtsııa da tergeýdi aıaqtap, is prokýratýraǵa jiberildi.

Aıdyn Qabduldınovtyń málimetinshe, sot-saraptamalyq jumystardyń barlyǵynyń qortyndysy shyqty. Jasóspirimniń aqyl-esi durys dep tanyldy.

ıAǵnı kúdikti sotqa kelip, barlyq suraqtarǵa jaýap bere alady.