BALTABAI KESENESІ
Baltabaı kesenesi - HІH ǵasyrdyń sońynda salynǵan sáýletti eskertkishterdiń biri. Aqmola oblysy Qorǵaljyń aýdanynyń Abaı aýylynan soltústik-shyǵysqa qaraı 800 metr qashyqtyqta, ashyq dalada, Nura ózeniniń oń jaǵalaýynda ornalasqan.
Baltabaı kesenesi alǵashqy ret 2006 jyly «QazJoba qalpyna keltirý» Respýblıkalyq memlekettik kásiporyny ǵylymı-zertteý jáne jobalaý fılıalynyń Jıyntyq bólimimen (jetekshisi G.Qamalova) zerttelgen.
Kesene mólsheri 38h21h11 sm jáne 46h22h12 sm shıki óńdelgen kirpishten qalanǵan. Kúmbeziniń ústińgi bóligi opyrylǵan, eki tirek aralyǵynyń doǵa tárizdi jabyny bar kirý esiginiń kólemi jartylaı synǵan. Negiziniń kúmbezdi tórtqyrlyǵy bar qos bólimdi mazardyń aımaqtyq túriniń tán nusqasy, jospardaǵy mólsheri 7,8h7,6 metr, qabyrǵalarynyń bıiktigi 4 metr. Tórtqyrlyqtyń shyǵys bet jaǵynda ishki bólmege aparatyn kirý qabyrǵadaǵy oımaǵa ótetin bıiktigi 3 metr ensiz, josparynda tik buryshty eki tirek aralyǵynyń doǵa tárizdi jabyny bar. Kirý arkasynyń bıiktigi 0,95 metr. Tórtqyrlyqtyń tóbesine qaraı ensizdengen qabyrǵalary búkil kólemge ornyqty monýmentaldy kórinis beredi, onyń ústinde kúmbez negiziniń saqtalǵan astyńǵy bóligi kóterilgen. Іshinde josparda sharshy bólme qabyrǵalarynyń ústine kúmbezdiń domalaqtalǵan kólemi ornatylǵan.
Tórtqyrlyqtyń qabyrǵalary negizinen 2 metr bıiktikke sozylǵan, sımmetrııaly túrde ornalastyrylǵan eki tirek aralyǵynyń doǵa tárizdi jabyny bar qýystarmen bezendirilgen.
Derek kózi:
Aqmola oblysynyń tarıhı jáne mádenı murasy. Eskertkishter jıyntyǵy, Almaty - 2008 jyl.
