Balshyqqa batqan aqtóbelik oqýshy jol máselesin sheshýdi surady
AQTÓBE. QazAqparat - Aqtóbe qalasyndaǵy №40 orta mektep oqýshysy ákimdikke beınehabarlama joldady. Ol kúnine birneshe ret mektepke baratynyn, joldyń balshyǵy qıynǵa soqqanyn aıtqan, dep habarlaıdy QazAqparat tilshisi.
Aqtóbe qalasynyń turǵyndary kóktem men kúzde jol azabyn tartyp júr. Ásirese qala ishindegi keıbir joldar oqýshylar úshin qıynǵa soǵyp tur. Kóktem men kúzde balshyqqa batqan oqýshy qala ákimi Іlııas Ispanovqa beınehabarlama joldady.
«Meniń esimim Aıda. Men Aqtóbe qalasynyń Pojarskıı kóshesinde turamyn. Kún saıyn mektepke barar kezde aıaldamaǵa jetý jaıyn oılaımyn. «Qalaı júrgende aıaǵym balshyq bolmaıdy, kıimime sý shashyramaıdy» dep alańdaımyn. Qala ákimi Іlııas Saparbekuly, balshyq bolmaı mektepke jetý múmkin bolmaıtynyn kórsetkim keldi. Bizdiń úıge kólikpen barý da qıyn. Joldyń shuńqyry kóp. Meniń inilerim de №40 orta mektepte oqıdy. Mektepke barý úshin gımnastıkamen shuǵyldaný kerek. Sol kezde sýdy attap ótýge, balshyqtan sekirýge bolady. Bizdiń aýdannyń problemasyna nazar aýdarýyńyzdy suraımyn»,- dep habarlama qaldyrdy mektep oqýshysy Aıda.
Bul beınehabarlama Aqtóbe qalasy ákimdigi qyzmetkerlerine jetti. Aqtóbe qalalyq jolaýshylar kóligi jáne avtomobıl joldary bóliminiń basshysy Rýslan Tóreǵalıdiń aıtýynsha, Aqtóbe qalasynda 1600-den astam turǵyn úı bolsa, aýla ishindegi joldy qalpyna keltirý jumysy 2009 jyly bastaldy. Qazirgi kezde 400 aýla jóndeldi. Jumys alda jalǵasady.
«Áleýmettik jelige shyqqan habarlamany kórdik. Kezek boıynsha jóndeledi. Ol oqýshy keler jyldy kútýi kerek. Pojarskıı kóshesi 2018 jyly jóndeledi. Bıyl aýa raıy kúrt ózgerip, jóndeý jumystary aıaqtaldy»,- dedi Rýslan Tóreǵalı.
Vıdeoobraşenıe k akımý goroda Aktobe ot ýchenıtsy 9 klassa ı jıtelnıtsy raıona Shanhaı. O problemah dorog ı trotýarov. #zello_aktobe
