Ballonǵa quıyp satylatyn gaz baǵasy janarmaı stansasyndaǵy baǵamen teńestiriledi

NUR-SULTAN. QazAqparat – QR Energetıka mınıstri Bolat Aqsholaqov turmystyq ballonǵa quıyp satylatyn gaz baǵasy janarmaı stansasyndaǵy baǵamen teńestiriletinin málim etti, dep habarlaıdy QazAqparat tilshisi.

Májiliste ótken Úkimet saǵatynda depýtat Ǵanı Hamzın suıytylǵan gaz tutynýshylardyń quqyqtaryn teńestirý jóninde saýal qoıdy.

«Óńirlerdiń kóbine halyq suıytylǵan gazdy turmystyq gaz ballonyna quıyp paıdalanady. Olarǵa gazdyń 1 lıtri 116 teńgeden bosatylady. Muny janarmaı quıý stansalaryndaǵy suıytylǵan gaz baǵasymen salystyrsaq, shamamen 2 ese qymbat. Mundaı ádiletsizdik qashan joıylady», - dep surady Mádilis depýtaty.

Mınıstr Bolat Aqsholaqov shynymen de janarmaı retinde satylatyn gaz ben ballonǵa quıyp satylatyn gazdyń bir zat ekenin atap ótti.

«Bul máseleni kópten beri talqylap kele jatyrmyz. Shynymen de, gaz janarmaı quıý stansasynda satyla ma, álde gaz ballonyna quıyp satyla ma, ekeýiniń aıyrmashylyǵy joq. Biz muny birizdendiremiz. ıAǵnı, baǵa teńestiriledi. Gazdy ballonǵa quıyp paıdalanýshylar úshinde baǵa janarmaı quıý stansalaryndaǵydaı bolady. Demek, 1 lıtri 50 teńgeden 75 teńgege deıin bolýǵa tıis», - dedi vedomstvo basshysy.

Sondaı-aq, Bolat Aqsholaqov 180 kún ótken soń suıytylǵan gaz baǵasyn qalaı retteıtinin aıtty.