Balkonnan sekirmek bolǵan elordalyq qutqaryldy
NUR-SULTAN. QazAqparat - Ózine qol salmaq bolǵan elorda turǵyny qutqaryldy, dep habarlaıdy QazAqparat TJD silteme jasap.
«TJD-ǵa 15 sáýir saǵat 20:59-da elordadaǵy Buqar jyraý kóshesindegi turǵyn úıdiń 5-qabatyndaǵy balkonnan er adam ózine qol jumsaǵaly turǵany habar tústi. Qutqarýshylar páter ishine kirip, er adamdy raıynan qaıtarmaq bolǵan. Aıtqanǵa kónbegen soń er adamdy órt sóndiretin baspaldaq arqyly qutqarýǵa týra keldi», - delingen departament habarlamasynda.
Er adam Nur-Sultan qalasy Polıtsııa departamentine tapsyryldy. Ony qutqarýǵa 2 tehnıka men Nur-Sultan qalasy TJD-nyń jeke quramynan 5 adam jumyldyryldy.
Eske alsaq, keshe elordada úıdiń onynshy qabatynan sekirgen er adam kóz jumdy.
