Balkon jıeginde turǵan ekstramal jurtty shoshytty

ALMATY. QazAqparat - Almatydaǵy turǵyn-úı keshenderiniń birinde balkonnyń jıeginde turǵan adamnyń vıdeosy áleýmettik jelide paıda boldy, dep habarlaıdy QazAqparat tilshisi.

Beınejazba «Gaýhartas» turǵyn úı kesheninde túsirilgen

Qalalyq Polıtsııa departamentiniń baspasóz qyzmeti, bul fakt boıynsha «102» pýltine jáne aýdandyq polıtsııa basqarmasynyń kezekshi bólimine eshqandaı habarlama túspegenin aıtty.

«Qazirgi ýaqytta oqıǵa ornyna Bostandyq aýdandyq polıtsııa basqarmasynyń ýchaskelik ınspektory shyqty, ol tekserý sharalaryn júrgizip, ekstramaldyń jeke basyn anyqtaıtyn bolady. Onymen birinshi kezekte quqyqtyq túsindirý jumystary júrgiziledi. Mán-jáıdi anyqtaımyz «, - dedi Almaty qalasy Polıtsııa departamentiniń resmı ókili Saltanat Ázirbek.