Balkon arqyly tómen túsken: Ekibastuzda er adam kóz jumdy
EKІBASTUZ. QazAqparat – Ekibastuzda 46 jastaǵy er adam bıiktikten qulap, mert boldy, dep habarlaıdy QazAqparat tilshisi.
«Ekibastuz qalasyndaǵy Energetıkter kóshesinde 46 jastaǵy er adam alkogoldi mas kúıde úshinshi qabattaǵy balkonnan tósek jaımasy arqyly tómen túspek bolyp, qulap ketti», - dep málim etti Pavlodar oblystyq Polıtsııa departamentiniń baspasóz qyzmetinen.
Er adam jaraqattarmen aýrýhanaǵa jetkizildi. Alaıda ol birneshe saǵattan keıin kóz jumǵan.
Sot-medıtsınalyq saraptama taǵaıyndaldy.
Eske salsaq, 8 maýsym kúni Pavlodarda 47 jastaǵy áıel mas kúıde besinshi qabattaǵy balkonnan qulap ketken bolatyn. Aman qalǵan ol jaraqattarmen aýrýhanaǵa jetkizildi.
