Balqashtyń joly jóndelmek
ASTANA. QazAqparat - Balqashta 2018-shi jyly jol jóndeý jumystaryna 1 mlrd teńge shamasynda qarajat jumsalady. Bul týraly QazAqparat ákimniń saıtyna silteme jasap habarlaıdy.
Ortasha jóndeý aǵaıyndy Mýsınder, Amangeldi, Álimjanov, Metallýrgter kóshelerinde, M.Rýsakov atyndaǵy shaǵyn aýdanda, sondaı-aq Qońyrat kentiniń Gornıatskaıa kóshesinde josparlanyp otyr. Bul jumystarǵa shamamen 400 mln teńge qajet bolady.
Lenın kóshesinde 3 shaqyrym jol qabaty qaıta qalpyna keltiriledi.
Balqash qalasynda sonymen qatar aýlalardy abattandyrý jumystaryn júrgizý kózdelip otyr - bul maqsattarǵa 300 mln teńge bólingen. Tizimge Seıfýllın, Bókeıhanov, Lenın, Moldaǵulova, Qaramende bı kóshelerindegi, S. Muhamedjanov yqsham aýdany men Chaıkovskıı tuıyq kóshesine qarasty aýlalar kirgen.
Sondaı-aq Qońyrat yqsham aýdanynda birneshe alańdar qalypqa keltiriledi. Aýlalarda oryndyqtar ornatylyp, jaıaýjoldar men jaryqtandyrý júıesi jóndeledi. Sábıtova yqsham aýdanynda jańa oıyn alańy paıda bolady.
