Balqashtyń oqýshy qyzy «Úzdik jazba sabaǵy» búkilreseılik baıqaýynyń júldegeri atandy
QARAǴANDY. 31 jeltoqsan. QazAqparat /Valentına Elızarova/ - Qaraǵandy oblysy Balqash qalasynyń toǵyzynshy synyp oqýshysy Zlata Hasamıeva «Úzdik jazba sabaǵy» búkilreseılik baıqaýynyń júldegeri atandy.
Bul týraly qalalyq bilim bólimi habarlady.
Balqash qalasynyń oqýshysyn jeke quttyqtaý úshin osynda Reseı Federatsııasynyń Qazaqstandaǵy Elshiliginiń birinshi hatshysy, Astandaǵy Reseılik yntymaqtastyq ókildigi bastyǵynyń orynbasary Ondar Chylgychy men respýblıkalyq «Lad» slavıandar qozǵalysy tóraǵasynyń orynbasary Aleksandr Zarıpov arnaıy at basyn tiredi. Ielengen júldeli úshinshi oryn úshin №1 qalalyq orta mekteptiń oqýshysy men onyń ustazdaryna qurmet gramotalary men baǵaly syılyqtar tabys etildi.
Zlata baıqaýǵa Uly Otan soǵysyna qatysýshylardyń taǵdyry týraly esse jibergen edi. Óz shyǵarmasynda ol maıdanda qaza tapqan óziniń úlken atasy Aleksandr Voropaev týraly jazypty.
«Úzdik jazba sabaǵy» shyǵarmalar baıqaýyn dástúr boıynsha Reseı poshtasy, M.Lomonosov atyndaǵy MMÝ men «Ýchıtelskaıa gazeta» baspa úıi ótkizedi. Bıylǵy jyly baıqaý segizinshi ret ótkizilip, oǵan 150 myńnan astam adam qatysty.
